Суоппар күнүн көрсө

Алтынньы 24 күнүгэр

Нам улууһун Хамаҕатта нэһилиэгин «Түһүлгэ» норуот айымньытын киинэ

«СУОЛ ДОҔОРДООХ, АЙАН АРГЫСТААХ – СУОППАРДАР»

Суоппар идэлээхтэргэ уонна уруулга олорооччуларга хамаанданан

«Толкуйдаа. Оонньоо. Кыай.»

өй, толкуй оонньуутун олус сэргэхтик тэрийэн ыытта. Оонньуу саҕаланыытыгар олохтоох библиотека сэбиэдиссэйэ Марина Корякина «Хамаҕатта суоппардара» А. Бурнашев кинигэтин кыттыылаахтарга сырдатан иһитиннэрдэ. Суоппардарга аналлаах оонньууга

Хамаҕаттаттан олохтоох дьаһалта, таксистар, ыччаттар хамаандалара ону сэргэ ыҥырыылаах ыалдьыттарбыт «Намавтоледи» (Нам), » Шумахеры» (Партизан) биэстии киһилээх, сааһа хааччаҕа суох, правалаах массыына ыытааччыларын хамаандалара кытыннылар. Кыттааччылар тохтобулларынан айаннаан:

«Түргэн ыйытыктар»

«Алаас ааттаах, дойду сурахтаах»

«Тимир көлө чаастарын таай»

«Лихой водитель»

«Авторадио» түһүмэхтэринэн кииристилэр. Тыҥааһыннаах  оонньуу түмүгүнэн:

Кыайыылааҕынан олохтоох дьаһалта хамаандата (капитан Е. Ушницкай) ааттанна.

Иккис миэстэ — » Таксистар» (капитан Р. Гоголев)

Үһүс миэстэ — «Намавтоледи» (капитан А. Кутукова) хамаандалара буоллулар. Миэстэлэспит хамаандалар мэтээллэринэн, грамоталарынан наҕараадаланнылар. Мэтээллэри оонньууга анаан » Эрчим» спортдьиэтэ ( дир. Протодьяконов А.) спонсордаата, кыттыбыттарга туоһу суруктар туттарылыннылар.

Бу курдук улууспут, нэһилиэкпит профессионал уонна любитель суоппардара актыыбынайдык оонньууга кыттаннар идэлээх бырааһынньыктарын сэргэхтик көрүстүлэр, оонньууну биһирээтилэр.