Ырыа күнүн көрсө ыытыллар өй, толкуй оонньуутун балаһыанньата

Ыам ыйын  21 күнэ — Саха Өрөспүүбүлүкэтигэр  Ырыа күнэ!

Нам улууһугар сомоҕолоһуу, биир санааланыы сылынан

«ЫРЫА – СОМОҔОЛУУР КҮҮС»

нэһилиэк обшественнай түмсүүлэрин икки ардыларыгар ыытыллар

ӨЙ, ТОЛКУЙ ООННЬУУТУН БАЛАҺЫАННЬАТА

Буолар күнэ-дьыла: Ыам ыйын 19 күнэ (бээтиниссэ), 2023 сыл

Буолар бириэмэтэ: 17 чаас

Ыытыллар сирэ: «Түһүлгэ» норуот айымньытын киинэ

Сыала-соруга:

• Ырыа олоҕу кытта тэҥҥэ сайда турар норуот тыына, сомоҕолуур күүс, олох дьүөрэтэ уонна доҕуһуола буоларын киэҥ араҥаҕа тарҕатыы;
• Нэһилиэк көхтөөх түмсүүлэрин Ырыа күнүн үөрүүлээх, сэргэх тэрээһинин тула түмүү, аралдьытыы

Кыттыы ирдэбилэ:

• Түмсүүттэн 5-тии киһи кыттар;
• Хамаанда тэҥ формалааҕа, эбэтэр атрибуттааҕа биһирэнэр

Кыайыылаахтары наҕараадалааһын:

• Оонньуу түмүгүнэн дипломнар, I, II, III бириистээх миэстэлэр олохтоноллор

Нэһилиэкпит түмсүүлэрин бэлиэ күнү тэҥҥэ, сэргэхтик

атаараргытыгар ыҥырабыт!